Швейцарийн өндөр зэрэглэлийн цанын баазын бааранд шинэ жилийн баяраар гал гарч 40 хүн нас барж, 100 груй хүн шархадсан. Тэгвэл уг аймшигт галын үеэр бааранд гацаж, хорт утаанд ухаан алдсан 10 өсвөр насны хүүхдийг аварсан аавын тухай түүхийг дэлхийн мэдээллийн хэрэгслүүд онцолж байна. Баатарлаг үйлс хийсэн аавыг Паоло Камполо гэх бөгөөд 55 настай, гал гарсан газраас холгүй амьдардаг байжээ. Түүний 17 настай охин шинэ жилийн баяраа найзуудтайгаа тэмдэглэхээр баар руу явсан бөгөөд 01:20 цагийн үед аав руугаа залгаж гал гарсныг түүнд дуулгасан байна.
Итали-Швейцарийн давхар иргэншилтэй Паоло Камполо сүйт залуутайгаа Кранс-Монтана дахь гэртээ шинэ жилийн үдэшлэг зохион байгуулж байсан ч түүнийгээ орхин сүйт залуугийн хамт гал гарсан баар руу очжээ.
"Би гал унтраагч авч гүйж очсон ч бааранд ирэхэд "өтгөн хар утаа" тэр хавийг бүрхсэн байсан. Гал унтраагч хэрэггүй гэдгийг би ойлгосон учир хүмүүсийг гаргах гарц хайсан. Ингээд баарны арын хаалгыг олсон бөгөөд гадна хаалгыг онгойлгосон ч дотор хаалга түгжигдсэн эсвэл онгойх аргагүй тагларсан байсан. Хаалганы завсраар газар хэвтсэн хүмүүсийг харсан" гэж Камполо тэр өдрийн аймшигт дүр зургийг сэтгүүлчид ярьжээ. Тэрээр өөр хоёр хүнтэй нийлж цонхыг нь хагалж онгойлгосон ба бидэнд ядаж сүх гэх мэт хэрэгтэй зүйл юу ч байгаагүй. Яаж хийснээ мэдэхгүй ч ямартай ч бүх хүч чадлаа ашиглаж хаалгыг нээсэн гэж ярив.
Кампологийн охин Женев дэх сургуулиасаа гэртээ буцаж ирээд аавынхаа гэрт хэсэг саатаж, бааранд хоцорч иржээ. Охиныг ирэх үед баранд гал гарч байсан бөгөөд хэрэв хэсэг хугацааны өмнө тэр ирсэн бол түүх яаж эргэх байсныг би хэлж мэдэхгүй гэж аав нь ярьжээ. Охиных нь найз залуу галд өртөж хүнд түлэгдэж, биеийн байдал нь муу эмнэлэгт хүргэгдсэн байна.
Камполо хордлого авч эмнэлэгт хүргэгдсэн бөгөөд бусдын амь аврахад хамтарсан түүний сүйт залуу хүнд бэртэж эмнэлэгт хүргэгджээ.
Баар руу ороход шатсан хэд хэдэн хүн бидэн дээр унасан, бүгд амьд ч, зарим нь ухаангүй зарим нь өөр хэлээр, зарим нь итали хэлээр хашгирч байсан.Тэд маш залуу байсан" гэж ослын газрыг Камполо дүрслэв.
"Le constellation" нгэртэй уг баар Кранс хотын ихэвчлэн насанд хүрээгүй хүүхдүүд цуглардаг газар байжээ. Тиймдээ ч насанд хүрээгүй, мини юбка, дэгжин цамц өмссөн олон охид галд өртөхийг харсан" гэж тэр хэлэв.
"Тэд хашгирсаар байсан. Би ганц л зүйлийг бодсон. Тэнд миний хүүхдүүд ч байж болох байсан. Тэдний харц, үхэж буйгаа мэдсэн хүмүүсийн цөхрөл, шатсан хүмүүс чамайг тэнд орхихгүй байхыг гуйх бол хэзээ ч санаанаас арилахгүй " гэж тэр дурсав.
Уг аймшигт галд нас барсан 40 хүний 9 нь 18 нас хүрээгүй өсвөр насныхан байсан бөгөөд 14 настай нэг, 15 настай 2, 16 настай 5, 17 настай 1 хүүхэд байжээ. Швейцарийн эрх баригчид тус баарны хоёр менежерийг бусдыг хөнөөсөн, бусдын бие махбодид санамсаргүй гэмтэл учруулсан, санамсаргүй гал түймэр гаргасан гэх үндэслэлээр эрүүгийн хэрэг үүсгэн шалгаж байна.
