Оросын генерал, зэвсэгт хүчний үйл ажиллагааны сургалтын хэлтсийн удирдагч Фанил Сарваров даваа гарагийн өглөө машиндаа дэлбэрч амиа алджээ. Түүний сууж явсан машинд тэсрэх төхөөрөмж суурилуулсан байсан бөгөөд уг гэмт хэргийг Украины тусгай алба зохион байгуулсан гэсэн таамаг байгаа ажээ.
Кремлийн мэдээлснээр, Оросын Ерөнхийлөгч Владимир Путинд Сарваровын үхлийн талаар тусгай албаны сувгаар "шууд мэдэгдсэн" бөгөөд энэ нь Москвад томоохон албан тушаалтан тэсрэх тоног төхөөрөмжид өртөж амиа алдсан анхна хэрэг биш юм.
2022 онд Орос улс Украинд бүрэн хэмжээний довтолгоо хийснээс хойш Москвад хэд хэдэн нэр хүндтэй орос хүн тэсрэх төхөөрөмжид өртөж, буудуулж амиа алдсан гэж Кремль мэдэгдэв.
Төрийн мэдээллийн ТАСС агентлагийн мэдээлснээр Сарваров есөн жилийн турш сургалтын хэлтсийн даргаар ажиллаж байжээ. Мөн өмнө нь Оросын хүчин Асадын дэглэмийг дэмжиж байх үед "Сирид ажиллагаа зохион байгуулах, явуулах үүргийг гүйцэтгэж байсан нэгэн ажээ.
