Австрали улс өнөөдрөөс 16-аас доош насны хүүхдүүдийг сошл мэдиа платформуудыг ашиглахыг хориглож, ийм хориглолт тогтооосон дэлхийн анхны улс боллоо. Энэ шийдвэрийг олон эцэг эх, хүүхдийн эрхийг хамгаалагчид сайшааж байгаа ч томоохон технологийн компаниуд болон үг хэлэх эрх чөлөөний төлөө тэмцэгчид шүүмжилж байна.
Шөнө дундаас (Мягмар гарагийн 13:00 GMT) эхлэн TikTok, Alphabet (GOOGL.O), YouTube болон Meta, Instagram, Facebook зэрэг хамгийн том 10 платформд хүүхдүүд нэвтрэхийг хориглож, зөрчвөл 49.5 сая австрали доллар (33 сая ам.доллар) хүртэлх торгууль ногдуулах тушаал гаргажээ.
Ерөнхий сайд Энтони Албанез үүнийг гэр бүлүүдийн хувьд "бахархалтай өдөр" гэж нэрлээд, бодлого боловсруулагчид онлайн хор хөнөөлийг хязгаарлаж чадна гэдгийн нотолгоо бол уг хууль юм. Энэ нь асар их өөрчлөлтийг авчрах болно. Энэ бол манай үндэстэнд тулгарч буй хамгийн том нийгэм, соёлын өөрчлөлтүүдийн нэг юм" гэж Албанез Лхагва гарагт болсон хэвлэлийн бага хурал дээр хэлэв.
Олон нийтэд хандсан бичлэгтээ Албанез хүүхдүүдийг энэ сарын сүүлээр эхлэх Австралийн зуны сургуулийн амралтаас өмнө "шинэ спорт, шинэ хөгжмийн зэмсэг тоглож эхлэх эсвэл тавиур дээрээ хэсэг хугацаанд байсан номоо уншихыг" уриалжээ.
Хориг хүчин төгөлдөр болохоос өмнөхөн 8-15 насны Австраличуудын 86% нь сошиал медиа ашигладаг байжээ. 16-аас доош насны зарим хүүхдүүд нийгмийн сүлжээгүй амьдралд хэрхэн дасан зохицох талаар хүмүүст санаа зовинол байгаа.
Зарим залуус сошиал мэдиа хориг нь хүмүүсийг бусдаас тусгаарлаж болзошгүй гэж үзэж байна "Зарим хүүхэд олон нийтийн сүлжээг сэтгэл хөдлөлөө илэрхийлэх, тусламж авахын тулд хүмүүстэй ярилцахад ашигладаг ... Тиймээс зарим хүүхдэд энэ хууль сөргөөр тусахгүй ч заримынх нь хувьд сэтгэцийн эрүүл мэндийг дордуулах болно гэж үзэх талууд байна.
Засгийн газар өнөөдөр гэхэд зөвхөн TikTok дээр 200,000 орчим хаяг идэвхгүй болсон талаар мэдэгдээд дараагийн хэдэн өдөр "хэдэн зуун мянган" хаягийг хаах болно гэлээ.
Хууль хэрэгжсэнээр ойролцоогоор 1 сая хүүхэд нийгмийн сүлжээнд нэьтрэх эрхгүй болж байгаа бөгөөд олон хүүхэд эцсийн пост болох "Баяртай" гэсэн постыг олон нийтийн сүлжээндээ нийтэлжээ.
