Луврын музейг дээрэмдсэн бүлэглэлийн гишүүн гэж сэжиглэгдэж буй 39 настай эрэгтэйг өнгөрөгч мягмар гарагт баривчилжээ. Ингэснээр уг хэргийн дөрвөн сэжигтэн бүгд баривчлагдаж хоригдсон гэсэн үг.
Хэдий хулгайч нар бүгд баригдсан ч тэдний хулгайлсан ойролцоогоор 102 сая долларын үнэ бүхий үнэт эдлэл олдоогүй хэвээр байна.
Хамгийн сүүлд баривчлагдсан 39 настай эрэгтэй Парисын ажилчин ангийн Сена-Сен-Дени хотын захад төрсөн бөгөөд өмнө нь хулгайн хэргээр зургаан удаагийн ял шийтгүүлж байсан нэгэн аж.
Түүний өмгөөлөгч нар AFP агентлагт өгсөн ярилцлагадаа түүнийг цагдан хорихыг эсэргүүцэж байгаагаа, түүнийг дээрэм болсон газар байсан гэх нотолгоо байхгүй тул ногдуулсан ганцаарчилсан хорих ялыг буруушааж байгаагаа мэдэгдсэн байна.
Мөрдөн байцаагчид дөрвөн хүний бүрэлдэхүүнтэй зохион байгуулалттай хулгайн баг уг хэргийг үйлдсэн гэж үзэж байгаа бөгөөд тэдний хоёр нь галерейд орж, нөгөө хоёр нь дор хүлээж байжээ. Дараа нь дөрвүүлээ өндөр хүчин чадалтай моторт скутерээр зугтсан байна.
Тав дахь сэжигтэн болох 38 настай эмэгтэйг хамсаатан байж болзошгүй хэмээн буруутгаж байгаа боловч шүүх хурал хүртэл шүүхийн хяналтан дор сулласан байна.
Тэдэнд тус бүр 10 жилийн хорих ял оноохоор төлөвлөсөн байна.
