УИХ-ын нэр бүхий гишүүд мэдээлэл хийлээ. Тэд УИХ-ын дарга Д.Амарбаясгаланг өөрийн хүсэлтээр бүрэн эрхээсээ түдгэлзэж, нэр холбогдоод буй авлига, албан тушаалын, нүүрсний хулгайн хэргүүдээ хуулийн байгууллагаар шалгуулахыг шаардлаа. Гэмт хэрэгт нэр холбогдсон хүн төрийн эрх барих дээд байгууллага УИХ-ыг удирдах нь зохимжгүй гэж үзэн, дээрх шаардлагаа хүргүүлж буй ажээ. Одоогийн байдлаар УИХ-ын 70 гаруй гишүүн дээрх шаардлагад нэгдээд байгаагийн 35 нь МАН-ын бүлгийн гишүүд байгаа юм байна.
