Интернет болон зарим хэвлэл мэдээллийн хэрэгсэл, блогерууд Францын тэргүүн хатагтай Брижит Макрон бол трансжендер буюу төрсөн хүйс нь эр, дүү Брижитийн нэрийг зээлсэн “Жан-Мишель Трогнё” нэртэй ах нь гэж мэдээлсэн нь нэлээд шуугиан тарьсан.
Мэдээж Брижит болон Эммануэль Макрон нар энэ мэдээллийг “худлаа, гүтгэлэг” гэж мэдэгдэж шүүхэд хандсан ч энэхүү асуудал нэг талдаа гарч чадалгүй нэлээд хугацааг өнгөрөөж байгаа юм. Тэгвэл энэ асуудал хэрхэн, хэзээ эхэлсэн бэ?
Товчхондоо хамгийн анх Францын хоёр чөлөөт сэтгүүлч Амадин Рой, Наташа Рэй нар юүтүб сувагтаа энэ талаар анх цацсан бөгөөд дараа нь АНУ-д Кэндис Оуэнс гэх сэтгүүлч, инфлюсэр мөн энэ тухай подкаст хийж цацсан юм.
Он цагийн дараалал
| Огноо | Үйл явдал | Дэлгэрэнгүй |
|---|---|---|
| 2021 оны эхээр | Сошл орчинд тарсан | Энэ онд Францад цахим сүлжээнүүд, блог, YouTube-н дунд Брижит Макрон нь төрсөн хүйс нь эмэгтэй биш, “Жан-Мишель Трогенё” нэртэй ах нь байснаа эмэгтэй болж хувирсан зэрэг мэдээлэл анх тарсан |
| 2021 оны арваннэгдүгээр сар | “Амадин Рой & Наташа Рэй” нарын YouTube ярилцлага | Амадин Рой & Наташа Рэй нар YouTube-д 4 цаг Брижитийг эрэгтэй хэмээн батлах мэдээллүүдийг ярилцсан. Тэд түүнийг манай улсын хуурамч төрх”, “эр хүн” гэх мэт мэдээллүүдийг тараав. |
| 2024 оны есдүгээр сар | Шүүхийн шийдвэр — анхан шатны хэрэг | Францын Парис хотын шүүх (Criminal Court) Amandine Roy, Natacha Rey нарт хариуцлага тооцож, Брижит Макрон болон ах Трогнёд тус тус нөхөн төлбөр олгох шийдвэр гаргасан. |
| 2025 оны долдугаар сар | Апелляцын шүүхийн шийдвэр — хэргийг эргүүлэн авч үзэх | 2025 оны долдугаар сард Парисын Апелляцын шүүх нь Рой ба Рэй нарын өмнөх буруутай гэсэн шийдвэрийг цагаатгаж, гүтгэсэн гэдэг анхан шатны шүүхийн бодлогыг хүчингүй болгосон. Шүүх “үнэн эсэх нь хөдлөшгүй батлагдаагүй, үгүйсгэх баримтуудыг шүүх анхааралтай шалгаагүй” гэсэн үндэслэлээр ийм шийдвэр гаргасан. |
| 2025 оны долдугаар сарын 23 | АНУ-д шинэ гүтгэлгийн хэрэг нээв | Эммануэль Макрон ба Брижит Макрон нар инфлюсэр Кэндис Оуэнсийг гүтгэлэгийн хэргээр шалгуулахаар АНУ-ын Делавэр мужид хандав АНУ-ын инфлюсэр Кэндис Оуэнс “Becoming Brigitte” нэртэй подкаст болон бусад когтентоороо Брижитийгг төрсөн хүйс нь эмэгтэй биш гэсэн мэдээлэл тараасан юм. |
| 2025 оны есдүгээр сар дунд | Макронууд АНУ-ын шүүхэд нотлох баримтуудыг өгөхөөр бэлтгэж буй гэв | Тэд зураг, шинжээчийн дүгнэлт, гэрэл зураг зэрэг баримтыг АНУ-ын шүүхэд хүргүүлэхээр төлөвлөж буйгаа зарлав. Мөн 2025 оны есдүгээр сарын 18-ны өдөр энэ талаар олон улсын хэвлэлүүдэд мэдээлэл цацагдсан. |
Одоогоор энэ хэргийг АНУ-ын Делавэр мужийн холбооны шүүх (US Federal Court, Delaware) хянан шийдвэрлэж байгаа бөгөөд Макроны тал Кэндис Оуэнсийг санаатайгаар худал мэдээлэл тарааж, нэр төр, нэр хүндэд халдсан” гэж мэдэгдээд нотлох баримт болгон гэрлэлт, төрсний гэрчилгээ, хүүхдүүдийн төрсний гэрчилгээ, гэрэл зураг болон “шинжлэх ухааны нотолгоо” гаргаж өгөхөөр төлөвлөж байгаагаа мэдээлээд байна.
Харин Кэндис Оуэнс үг хэлэх эрх чөлөөний хүрээнд энэ бүхнийг ярьсан гэж өөрийгөө өмгөөлж байгаа ч, шүүхийн нэхэмжлэлд “санаатайгаар гүтгэсэн” гэж заагаад буй. АНУ-д гүтгэлгийн хэрэг нотлох баримтаас ихээхэн хамаардаг бөгөөд хэрэв Макронууд “санаатай худал тараасан” гэдгийг баталж чадвал их хэмжээний нөхөн төлбөр авах боломжтой юм. Уг хэргийн анхан шатны шүүх 2026 онд болно гэсэн таамаг байна.
Францын шүүхийн анхан шатанд Брижитийг эр хүйстэй гэсэн нь гүтгэлэг хэмээн шийдвэрлэсэн ч, давж заалдах шатны шүүх “өргөдөл гаргагчид нотлох баримтаа бүрэн гаргаагүй” гэж үзсэн нь олон нийтийн дунд эргэлзээ төрүүлсэн хэвээр байгаа юм. Олон нийтийн дунд шүүх ч энэ асуудлыг баттай тодорхой хэлж чадахгүй байна” гэсэн шүүмж гарч, нэгэнт баталгааг шүүхэд бүрэн гаргаж чадахгүй байгаа бол асуудал сэжигтэй гэж үзэх талууд байна.
Брижит Макрон нь 1953 онд төрсөн өдгөө 72 настай бөгөөд өмнөх гэрлэлтээсээ 3 хүүхэдтэй. Гэвч түүнийг эр хэмээн нотлоод байгаа сэтгүүлчид хүүхдүүдийг нь жинхэнэ Брижитийн хүүхдүүд, ах Трогнё нь нэрийг нь зээлдэж амьдарч буй хэмээн үзэж байгаа юм. Брижитэд Жан Мишель Трогнё гэх ах үнэхээр байдаг ч хувийн амьдрал нь нууцлаг учир түүний гэрэл зураг гэх мэт баталгаатай баримтууд цөөн, эвлүүлсэн, баттай бус зураг л интернэтэд байдаг ажээ.
Ямартай ч энэ асуудал АНУ-ын шүүхэд Макронууд ямар, ямар нотолгоо үзүүлэх, шүүх юу гэж шийдвэр гаргахаас хамааран цаашид үргэлжлэх төлөвтэй байна.
