Хэт халуун температур нь хөгшрөлтийн явцыг хурдасгадаг гэсэн дүгнэлтийг Олон улсын судлаачдын баг гаргажээ.
Тодруулбал, их халуунд удаан хугацаагаар өртөх нь хүмүүсийн генийн зан үйлийг өөрчилж, молекулын түвшинд хөгшрөлтийг хурдасгаж, урт хугацааны эрүүл мэндэд архи тамхинаас ч илүүгээр хөгшрүүлэх нөлөөтэй байж болзошгүй гэсэн дүгнэлтийг эрдэмтэд гаргажээ.
Хонг Конгийн их сургуулийн байгаль орчны тархвар судлаачид Тайванийн 25,000 орчим насанд хүрэгчдийн 15 жилийн эрүүл мэндийн мэдээлэлд дүн шинжилгээ хийж, хоёр жил хэт халуунд байх нь хүний биологийн насыг 8-12 хоногоор нэмэгдүүлж, эд эс, эд, эрхтний жинхэнэ эрүүл мэндийг тэр хэмжээгээр хөгшрүүлдэг гэж дүгнэсэн байна.
Судалгааг удирдсан Хонг Конгийн их сургуулийн туслах профессор Куи Гуо хэлэхдээ: "Энэ тоо нь бага мэт санагдаж болох ч томоор нь харвал нийгмийн эрүүл мэндэд ач холбогдолтой судалгаа болсон" гэж хэлэв.
Судалгааны уг дүнг "Nature Climate Change" сэтгүүлд энэ долоо хоногт нийтэллээ. Үүнтэй төстэй нэгэн судалгааг Өмнөд Калифорнийн их сургуулийнхан саяхан хийсэн бөгөөд уг судалгаагаар хэт халуун нь өндөр настнуудын биологийн хөгшрөлтийг хурдасгаж болзошгүй гэж дүгнэсэн байна. Уг судалгааны ахлах Женнифер Эйлшир " Финикс зэрэг улсын хэт халуун бүс нутгийн хүмүүс Сиэтл зэрэг сэрүүн газар амьдардаг ижил төстэй хүмүүсээс биологийн насны хувьд 14 сараар хөгшин байсан" гэв.
Эндээс судлаачид геномын түвшинд халуунд байнга өртөх нь "зүрх хөгшрөх, эмзэг болох замыг хурдасгадаг" гэж судалгааны багийнхан дүгнэжээ.
