БНСУ-ын Засгийн газрын буцалтгүй тусламжаар байгуулах Монгол, Солонгосын хамтарсан ховор металлын судалгааны төв байгуулах ажлын гүйцэтгэгч Солонгосын Геологи, эрдэс баялгийн хүрээлэн /КИГАМ/-ийн төслийн багийнхантай Аж үйлдвэр, эрдэс баялгийн яамныхан уулзлаа. Ховор металлын хамтарсан судалгааны төвийг энэ оны арваннэгдүгээр сард нээхээр төлөвлөн ажиллаж байна.
Төслийн хүрээнд "Геологийн судалгаа-шинжилгээний төв" ТӨҮГ-ыг түшиглэн газрын ховор элемент, ховор металлын хүдрийг баяжуулах технологийг хамтран судлах, Солонгос Улсын баяжуулах технологийг нутагшуулах лаборатори байгуулах, хүний нөөцийг бэлтгэх болон хоёр орны аж ахуйн нэгжүүдийг ховор металлын чиглэлээр хамтран ажиллахад дэмжлэг үзүүлэх зэрэг асуудлаар санал солилцлоо. Улсын хөгжилд үнэтэй хувь нэмэр оруулах, олон улсын хамтын ажиллагаа өргөжих зэрэг олон ач холбогдолтой төсөл юм.
