Токио хотын цагдаа нар 36 настай монгол эмэгтэйг Тайто тойргийн нэгэн сүмд жуулчны цүнхнээс түрийвч хулгайлсан хэргээр баривчилсан талаар японы хэвлэлүүд мэдээлж байна. Эл явдал лхагва гарагт болсон бөгөөд Японд жуулчнаар ирсэн Нямын Хишигжаргал гэх бүсгүй, 81 настай Америк эмэгтэйг сүмд гараа угааж байхад нь цүнхнээс 10,000 орчим иен бэлнээр хийсэн хэтэвч хулгайлсан байна.
Хулгайн хэрэгт сэжиглэгдэн баривчлагдсаныхаа дараа Н.Хишигжаргал өөрийгөө буруугүй гэж мэдүүлжээ. Бүсгүй "Тэр эмэгтэйн цүнхэнд байсан зүйл миний хүрмэнд татагдсан байсан. Унах гэж байхад нь би дээш авахыг оролдсон " гэж тайлбарлажээ.
Цагдаа нарын мэдээлснээр сэжигтэн эмэгтэйд араас нь дөхөж очоод хүрмээ гартаа тохон гараа нуусан байна. Дараа нь тэр хохирогчийн мөрөн дээрээ үүрсэн цүнхнээс хэтэвч хулгайлжээ.
Энэ сүмийн ойролцоо гурав хоногийн өөр нэг гадаадын жуулчин хулгай хийж байгаад баригдсан ажээ. Тиймээс цагдаа нар тус бүс нутагт эргүүлийг нэмэгдүүлсэн байна. Энэ хоёр хэрэг хоорондоо холбоотой эсэхийг цагдаагийнхан шалгаж байгаа ажээ.
Н. Хишигжаргалын хувьд 2023 оны аравдугаар сараас хойш богино хугацааны визээр Японд гурван удаа аяласан гэж цагдаагийн байгууллагаас мэдээллээ.
Эх сурвалж: Tokyoreporter.com
