Гашуунсухайт-Ганцмодны боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчинчадлыг нэмэгдүүлэх хамтын ажиллагааны тухай хоёр улсын Засгийн газар хоорондын хэлэлцээрийг соёрхон баталсан билээ.
Өнгөрсөн долоо хоног Ганцмод-Жинцуан чиглэлийн тээврийн хамтын ажиллагааг эхлүүлж, зохион байгуулалтыг сайжруулах зэрэг ажлууд дээр Хятадын талаас Чайна Энержи, Баошен төмөр зам болон Монголын талаас Зам, тээврийн яам, Монголын төмөр зам ТӨХК, Тавантолгой төмөр ХХК буюу аж ахуй нэгжүүд хоорондын хэлцлүүд эхэлжээ.
Монголын талын төлөөллүүд өнгөрсөн пүрэв гарагт Чайна Энержи, Баошен төмөр замын ТУЗ-ийн дарга Биен Липинтэй уулзаж санал солилцсон байна.
