Дуучин Б.Баярцэцэг "Дива Баярцэцэг" тоглолтоо маргааш, нөгөөдөр хоёр буюу энэ сарын 7, 8-нд хийнэ. Тэрээр өнөөдөр тоглолтын бэлтгэл болоод онцлогоо хуваалцаж хэвлэлий хурал хийлээ. Түүний хэлснээр энэхүү тоглолт нь түүний урлагтай холбогдсон 25 жилийн ойтой нь давхцаж буй ажээ. Тоглолт Аса аренад болох бөгөөд аль ч суудлаас тайз маш гоё харагдахаар бодож тайз болон суудлаа зохион байгуулсан байна. Тоглолтод эгшиглэх дуунуудаа өөрөө найман альбомнаасаа сорчилж түүж оруулсан бөгөөд Өөжгийгийн зохиосон "Би хайрыг мэднэ" дуу энэ тоглолтын үеэр анх удаа үзэгчдийн сонорт хүрнэ.
2011 онд хамгийн анх бие даасан том тоглолтоо хийж байхдаа их сандарч байлаа. Одоо харин би фэнүүдтэйгээ хамт илүү туршлагатай болсон болов уу.
Намайг алдаатай минь цуг хайрладаг үнэнч фэнүүдтэй болсон нь миний хамгийн том бахархал. Би их олон жил энэ тайзан дээр байжээ гэж эргэж хараад бодож сууна. Тун удахгүй орон нутгаар тоглолт хийж, орон нутгийн үзэгчидтэйгээ уулзах бодолтой байгаа хэмээн дуучин маань сэтгэлээ илэрхийллээ.
Тоглолтод урилгаар дуучин Наагий, Ice top, Limit king, ятгачин н Мөнх-Эрдэнэ нар оролцоно.
Италийн RFC брэндийн спикер тоноглолтой учир хамгийн дулаан, гоё дугаралтыг мэдрүүлэх уг тоглолтод зориулж, хиймэл цас, утаа зэргийг гаднаас захиж авчруулсан байна.
Бүсгүй хүний сэтгэлийг мэдье ойлгоё гэвэл Б.Баярцэцэгийн дууг сонс гэсэн үг бий. Олон улсын эмэгтэйчүүдийн эрхийг хамгаалах өдрөөр хамгийн гоё дугаралт, тайз засалтай тоглолт ийнхүү Аса Аренад хоёр өдөр цөм авах нь ээ.
