Улаанбаатар хотын энэ сарын цаг уурын төлөв байдлыг УЦУОШГ-ын цаг уурч Э.Энхсүлдээс тодрууллаа. Тэрбээр “Гуравдугаар сарын ихэнх өдрүүдэд Улаанбаатар хот орчмын агаарын температур олон жилийн дунджаас 1-2 хэмээр дулаан байх төлөвтэй байгаа тул шар усны үерийн аюулаас сэргийлэхийг анхааруулж байна. Мөн гуравдугаар сарын 10 болон сарын сүүлийн өдрүүдэд хур тунадас орж, салхи шуургатай байх магадлалтай тул хол замд зорчих иргэд богино хугацааны урьдчилсан мэдээг тогтмол авч байхыг зөвлөе” гэв.
