Өвлийн гоо үзэсгэлэнгээрээ алдартай Хятадын нэгэн хот цасыг хөвөн, цагаан даавуугаар орлуулж зураг авалт хийж жуулчдыг хуурсан явдал гарчээ. Тодруулбал, Хятадын баруун өмнөд хэсэгт орших Сычуань мужийн Ченду тосгонд энэ явдал болсон байна. Дулаан, цасгүй өвөл болсон тосгоныхон байшингийн дээвэр, модны мөчир, гадна талбайдаа, хөвөнгөөр цас бүрхсэн мэт болгож зураг авалтаа хийжээ. Гэвч ирсэн жуулчид цас нь хөвөн, даавуу болохыг мэдээд энэ талаар шүүмжилж олон нитйийн сүлжээнд оруулсан байна. Бүр нэг байгууламжийн дээврийг ор дэрний цагаан хэрэглэлээр бүрсэн байсан бөгөөд үдээсийн тэмдэг нь ч зураг дээр тод харагдаж байжээ.
Тосгоныхон эл явдлын дараа олон нийтийн сүлжээгээр уучлалт гуйж, тухайн бүс нутагт ер бусын дулаан өвөл болсон учир ийм зүйл тохиосон гэж цаг агаарт буруугаа чихжээ.
