Хоёрдугаар сарын 17-ны өдөр Булган аймгийн төвд сар шинийн баярт зориулсан Булганы таван аваргын нэрэмжит улс, аймгийн цолтой 50 бөхийн барилдаан болов. Эл барилдаанд Ховд аймгийн Буянт сумын харьяат, улсын аварга Оргихын Хангай түрүүллээ. Түүний хувьд 2025 он гарснаар зодоглосон гурван барилдааныхаа хоёрт нь түрүүлсэн нь энэ.
О.Хангай өнгөрсөн жил заалны 14 барилдаанд зодоглож, найм түрүүлсэн бол өнөө жилийг мөн л өнгөтэй эхлүүлж байна. Харин Өвөрхангай аймгийн Төгрөг сумын харьяат улсын арслан Ц.Бямба-Отгон энэ наадамд үзүүрлэв. Их шөвөгт Булган аймгийн харьяат улсын начин Д.Амарсайхан, Б.Түмэндэмбэрэл нар шалгарсан юм.
