Бага ангийн сурагчийг хутгалж хөнөөсөн багш цагдаад мэдүүлэхдээ тэрээр сургуулийнх нь дэд захирал багшлахыг нь болиулна гэж хэлсэн учир уурласан гэж тайлбарлажээ.
Тэрээр хэрэг үйлдэхээсээ дөрөвхөн хоногийн өмнө биеийг хэр байгааг асуусан нэг багштай зүй бусаар харьсан бөгөөд ер нь хамтран ажиллагсадтайгаа тааруу харилцаатай, ууртай бухимдуу байсан гэж эх сурвалж мэдээлсэн байна. Тухайн багш сэтгэл санааны гутралын улмаас зургаан сарын чөлөө авсан ч эмнэлгээс онош авснаас хойш ердөө 20 хоногийн дараа буцаж ажилдаа орсон юм байна. Эмчийн магадлагаатай бол багшийг давхар шалгах, хянуулах эрх зүйн үндэслэл байхгүй учир сургууль ч ажилд нь эргүүлэн авчээ.
Сэжигтэн багш хохирогч охиныг санамсаргүй сонгосон. Ангиас хамгийн сүүлд гарч ирсэн учир ном уншихыг санал болгож дуу бичлэгийн өрөө рүү дагуулж орсон гэж мэдүүлсэн байна.
Кимийн аав охиныхоо гар утсанд суулгасан программаар дамжуулан охиноосоо хачин жигтэй аудиог хүлээн авснаар таагүй зүй болсныр анх гадарлажээ. "Оройн 16:50 цагаас хойш би Ха-неулын дууг сонсоогүй. Би зөвхөн эмэгтэй хүний бололтой амьсгаадах чимээ, мөн хэн нэгэн шургуулга нээж хааж, цүнх шиг юм задлах чимээ л сонссон" гэж аав нь сэтгүүлчдэд ярьжээ.
Цаг орчмын дараа Кимийн эмээ багшийг дуу дүрсний өрөөнд цусанд будагдсан байхыг олж мэдсэн ба цагдаагийн ажилтнууд өрөөг нэгжсэнээр охиныг мөн олсон байна.
Кимийн аав, Хүүхдийн бие бүхэлдээ, тэр дундаа гарнаас нь олон арван хутганы шарх олдсон нь түүнийг эсэргүүцсэнийг харуулж байна. "Цагдаа нар надад охиныхоо цогцсыг харахгүй байхыг зөвлөсөн. Миний охин тэнгэрт од болсон.
Ийм хэрэг дахин хэзээ ч гарах ёсгүй. Засгийн газар хуулийг шинэчлэх, сэтгэцийн эрүүл мэндийн асуудалтай багш нарын дүрмийг чангатгах замаар ийм хэрэг дахин гарахаас урьдчилан сэргийлэх арга хэмжээ авна гэж найдаж байна." гэжээ.
Энэ хэрэгтэй холбогдуулан сургуулиудад багш нар туслалцаа авах боломжтой мэргэжлийн сэтгэлзүйч нарыг ажиллуулах, багш нарт сэтгэл зүйн чиглэлээр үнэлгээ өгөх шалгалт оруулах талаар иргэд шаардаж байна.
