Эрүүл мэндийн яамнаас менингококк халдварын эсрэг 2000 тун вакцины худалдан авсан, ирэх долоо хоногоос вакциныг хийнэ гэдгийг ХӨСҮТ-ийн захирал Э.Анхбаяр мэдээлсэн. Эдгээр вакциныг эхний ээлжид халдварын тохиолдлуудын ойрын хавьтлуудад болон эрсдэлт бүлгийнхэнд хийхэд хангалттай гэж үзэж байгаа юм байна.
Дэлхийн эрүүл мэндийн байгууллага, олон улсын байгууллагууд дэгдэлт гарсан орнуудад вакциныг түгээдэг. Монгол Улсад менингококкын халдвар дэгдэлтийн хэмжээнд хүрээгүй учир сайн дурынхныг вакцинд хамруулахгүй.
Эхний ирсэн 2000 тун вакцинд халдварын ойрын хавьтлуудыг хамруулах юм. Менингококк жил бүр тодорхой хэмжээнд бүртгэгддэг. Сүүлийн гурван жилийн тухайд 2022, 2023 онуудад хоёр, хоёр тохиолдол, 2024 онд дөрвөн тохиолдол бүртгэгдсэн. Нас баралт бүртгэгдээгүй байна. Харин 2025 он гарснаар нэг тохиолдол хүндэрч, эндсэн тохиолдол гарсан. Одоогоор ойрын 1700 гаруй хүнд эхний ээлжийн вакциныг хийхээр төлөвлөсөн байна.
