Вьетнамд саяхан яг л кинонд гардаг шиг үйл явдал тохиожээ.
Тус улсын Хо Ши Мин хотод амьдардаг нэгэн эр охиноо өөртэй нь болон эхнэртэй нь огт төсгүй, царайлаг байгаад удаан хугацаанд эргэлзэж явжээ. Эхнэрийгээ өөрийг нь хуурсан гэж бодсон эр ДНК шинжилгээ өгсөн ба хариу нь бодсоноор нь биологийн эцэг нь биш гэсэн хариу гарсан байна. Үүнээс хойш эрэгтэй архи ууж гэр бүлдээ агсам тавих болсон бөгөөд өөрийг нь хуураагүй гэсэн эхнэрийнхээ үгэнд огтоос итгээгүй ажээ. Эцэст нь залхсан эхнэр нь охиноо аваад Ханой хот руу нүүжээ. Охины нэрийг Лан гэдэг.
Лан охин шинэ сургуульдаа нэгэн охинтой дотно найзлах болсон ба эндээс кино шиг үйл явдал эхэлнэ. Охид нэг өдөр, бүр нэг төрөхөд төрсөн байжээ. Шинэ найз нь охиныг төрсөн өдөртөө урьсан бөгөөд баярт нь оролцохоор гэрт нь очсон байна. Төрсөн өдрийн эзний ээж шинэ найзыг нь хараад яг л өөрийнхөө залуу насыг харах шиг болжээ. Ингээд нэг өдөр, нэг төрөхөд амаржсан гэдгээ мэдээд охины ээжтэй холбогдож шинжилгээ өгөөд хэт хөөрхөн гэдгээрээ аавдаа гологдсон охин өөрийнх нь төрсөн охин болохыг мэджээ.
Одоо энэ хэрэг Вьетнамд нэлээд шуугиан тарьж буй бөгөөд охидыг эмнэлэгт солигдсон буруутанд хариуцлага тооцох эсэх талаар тодорхой болоогүй байна. Лан охины аав учрыг мэдээд эхнэрээсээ уучлал гуйж буцаж эвлэрчээ.
