“Хүн, байгальд ээлтэй уламжлалт өв соёлоо бусдад зөвөөр, тодоор ойлгуулж чадах юм бол энэ нь бидний зах зээл дээрх давуу тал болно. Нийгмийн хөгжлийг дагаад хүмүүс байгальд ээлтэй, эрүүл амьдралыг эрхэмлэх болсон. Байгальд ээлтэй ийм амьдрал бидний атганд байна. Үүнийгээ бид хот газрын хэрэглэгчдэд сайн ойлгуулсан байх хэрэгтэй. Үйлчилгээгээ сайн байлгах хэрэгтэй..” хэмээн ярих энэ залууг Х.Хүрэлсүх гэдэг. БНХАУ-ын ӨМӨЗО-ы Зүүн үзэмчин хошууны “Харь говь” жуулчны бааз буюу нүүдэл соёл, амь ахуйн жуулчлалын цэгийн эзэн ажээ.
Суурин соёл иргэншлийн олон сая хүн нүүдэлчдийн соёл, ахуйг сонирхон аялж жуулчлах болсныг соргогоор ажиглаж, амжилттай бизнес эрхэлж байгаагаас нь санаа авууштай зүйл олон.
