Засгийн газраас 2025 оны төсвийн төсөлтэй хамт хэд, хэдэн хууль, тогтоолын төсөл өргөн барьсан. Үүний нэг нь Засгийн газарт чиглэл өгөх тухай тогтоолын төсөл. Уг тогтоолын төсөлд Шинжлэх ухаан, технологийн их сургуулийн Механик, тээврийн сургуулийг Хөшигийн хөндий рүү, Хөдөө, аж ахуйн их сургуулийн Агроэкологийн сургуулийг Дархан руу нүүлгэн шилжүүлэхийг Засгийн газарт үүрэг болгохоор заажээ.
Мөн хичээлийн байр, оюутны болон багш, ажиллагсдын байр зэргийг цогц байдлаар төлөвлөн сургуулийн хотхон хэлбэрээр байгуулахад шаардагдах техник, эдийн засгийн үндэслэл, багш, ажиллагсдын нийгмийн асуудал, холбогдох урсгал болон хөрөнгийн зардлыг шийдвэрлэх, нүүлгэн шилжүүлэхийг үүрэг болгосон байна.
