Монголчууд БНХАУ-ын Өвөрмонголын өөртөө засах орны Ордос хот руу аялал жуулчлал, худалдаа, бизнесийн зорилгоор аялах нь их болсон. Тиймээс Ордос хотын шинэ дүүрэг Хия хотыг сайн мэднэ.
Өвөрмонголчууд Хөххот, Ордос, Бугат гэсэн гурван хотоо аялал жуулчлалын алтан гурвалжин гэж нэрлэдэг. Эдгээр хотуудын аялал жуулчлалыг интеграцчилан хөгжүүлэх талаар одоо ид ярьж байгаа аж. Хэдхэн жилийн өмнө Ордос эзэнгүй, сүнстэй хот гэгдэж байсан бол одоо байдал өөр болжээ. Ордос хотын төвийн ачаалал хэтэрсэн тул эзгүй зэлүүд тал байсан энэ газар асар их хөрөнгө оруулалт хийн барьж байгуулсан шинэ дүүрэг нь хөл хөдөлгөөн ихтэй, үзвэр үйлчилгээ, амралт зугаалгын төв болон хувирсан байна.
Ордос хот Чингисийн онгон, тахилга тайлгын соёл, 10 гаруйхан жилийн дотор Сингапурын архитектурын хэв маягийг шингээн барьж байгуулсан Хия багшийн дүүргийн хот байгуулалт, барилга байгууламжийн өвөрмөц шийдэл, монгол үндэстний түүх, соёлыг харуулсан хөшөө баримал, хотын шөнийн үзэмжээрээ жуулчдыг татах болжээ.
