Төсвийн байнгын хорооны өчигдрийн хуралдаанаар Монгол Улсын 2023 оны төсвийн гүйцэтгэлийг хэлэлцсэн. Энэ үеэр шахмал түлшний үйлдвэрийн хөрөнгө оруулалт, алдагдалтай холбоотой гишүүний асуултад Монгол Улсын Ерөнхий аудитор Д.Загджав хариулт өгөв. Тэрбээр Эрдэнэс Тавантолгой компаниас нийгмийн хариуцлагын хүрээнд шахмал түлшний үйлдвэр шилжүүлсэн 1.1 их наяд төгрөгийн татаасыг гэмт хэргийн шинжтэй гэж үзсэн учир прокурорын байгууллагад шилжүүлсэн гэв. Үүнийг сонссон Байнгын хорооны дарга Ц.Даваасүрэн "Энэ шийдвэрийн тухайн үеийн Ерөнхий сайд, одоогийн Ерөнхийлөгч У.Хүрэлсүх гаргасан. Ерөнхийлөгчийгөө буруу юм хийсэн гээд сууж байх юм. Чи зөв хариулж байна уу" хэмээн сандрав.
Гишүүн Г.Дамдинням: Шахмал түлшний үйлдвэр эхэндээ үр дүнтэй ажилласан. Одоо бол байхгүй болсон. Эрдэнэс Тавантолгойгоос бараг 1.1 их наяд төгрөгийн зээлийг энэ үйлдвэр рүү хийсэн. Энэ нүүрсний үйлдвэрийг Улаанбаатар хотын өмчлөл рүү шилжүүлэх гэж байх шиг байна. Гэтэл хотоос сонгогдсон гишүүд өртэй нь авахгүй байхаар шийдэж байх шиг байна. Энэ байгууллагад Үндэсний аудит ажилласан уу.
Үндэсний аудитын газрын дарга Д.Загджав: Энд Эрдэнэс Тавантолгойгоос оруулсан хөрөнгө байгаа. Үүнтэй холбоотой 1.1 их наяд төгрөгийн зөрчил илрүүлээд, тэр зөрчил нь гэмт хэргийн шинж чанартай үйлдэл учраас Монгол Улсын Ерөнхий прокурорт Монгол Улсын Ерөнхий аудиторын зүгээс шилжүүлсэн.
Төсвийн байнгын хорооны дарга Ц.Даваасүрэн: Тэр татаас нь зөрчил гэж үү. Одоогийн Ерөнхийлөгч тухайн үед Ерөнхий сайд байсан. Чи ямар хариуцлагагүй юм яриад байна вэ. Юун нь гэмт хэргийн шинж чанартай байдаг юм тэр. Засгийн газраас Эрдэнэс Тавантолгойг нийгмийн хариуцлагын хүрээнд татаас өг гэдэг шийдвэр гаргасан шүү дээ. Ерөнхийлөгчийгөө буруу юм хийсэн гээд сууж байх юм.
Үндэсний Аудитын Газрын дарга Д.Загджав: Тэр бол татаас биш. Гүйцэтгэлийн аудитын тайланд ийм зүйл туссан байгаа. Гэмт хэргийн шинжтэй байна гэж үзээд прокурорын байгууллагад шилжүүлсэн. Гэмт хэргийн шинжтэй зөрчил байсан.
Төсвийн байнгын хорооны дарга Ц.Даваасүрэн: Үгүй чи зөв хариулж байна уу. Татаасын тухай яриад байна шүү дээ. Тэрэнд гэмт хэргийн шинж чанартай юу байх вэ дээ.
Байнгын хороон дээр ийм яриа өрнөв. Шахмал түлшний үнийн зөрүүнд "Эрдэнэс Тавантолгой" компаниас олгосон 1.1 их наяд төгрөгийн асуудал прокурорын хаалга татжээ. Тухайн үед Засгийн газрыг толгойлж байсан одоогийн Ерөнхийлөгч У.Хүрэлсүхийг шалгана гэсэн үг. Санхүүгийн зөрчил гэж үзээд хуулийн байгууллагад хандсан Д.Загджав ишиг эврээ ургахаар эхийгээ мөргөв гэдэг үлгэрийг ийн давтлаа.
Маш зөв буруу зүйл хийсэн гэмт хэрэг хийсэн л бол ерөнхийлөгч байх нь ямар хамаатай юм бэ маш сайн бна Даваасүрэн оролцоотой болоод ерөнхийлөгч энэ тэр гээд өмөөрөх аяс ороод байгаа юм уу Ер нь гэмт хэрэгтэн ямар ч албан тушаалтан байсан шалгах хариуцлага хүлээх л ёстой Харин ч шударга үнэний дуу хоолойг таслаж болохгүй үе үеийн 76 н их хулгайч нараа та нараас их хулгай гарна шүү
Санхүүгийн зөрчил гэж үзсэн шалгуурууд байгаа байх, тэрийг нь ил болгож өгнө үү. Нотлогдвол буруутай албан тушаалтнууд хариуцлагаа хүлээх хэрэгтэй.