УИХ дахь МАН-ын бүлгийн дарга асан Д.Тогтохсүрэнг “Монголросцветмет” ТӨҮГ-ийн захирлаар томилжээ. Өнгөрсөн парламентад УИХ дахь МАН-ын бүлгийн даргаар ажиллаж байгаад 2024 оны УИХ-ын сонгуульд Хангайн бүсэд нэр дэвшиж ялагдсан. МАН-д нүүрсний хулгайч байхгүй гэх алдарт үгээ хэлж, намаа улаан цээжээрээ хамгаалж ирсэн гавьяагаа ийн албан тушаалаар үнэлүүлжээ.
“Монголросцветмет” ТӨҮГ нь 2019 оноос Төрийн өмчит үйлдвэрийн газар болж өөрчлөгдөн үйл ажиллагаа явуулж байна. 1973 оноос 2016 он хүртэл Үйлдвэрийн газрын Дүрмийн сангийн 51 хувь Монгол Улсын, 49 хувь нь ОХУ-ын өмчлөлд байсан бөгөөд 2016 оноос Монгол Улсын 100 хувь төрийн өмчийн эзэмшилд шилжиж, “Монголросцветмет” ТӨҮГ нь одоо “Эрдэнэс Монгол” компанийн охин компани болгосон. МАН-ын гишүүдэд шагналаар очдог боломжийн саалийн үнээ.
Өмнө нь УИХ дахь МАН-ын бүлгийн даргаар ажиллаж байсан Д.Хаянхярваа У.Хүрэлсүхийн Засгийн газрыг унагах "32"-ын бүлгийн идэвхтэн байсан ч "Эрдэнэс Монгол" ХХК-ийн гүйцэтгэх захирлын суудалд очсон байдаг. Гэвч АТГ-ын хойшлуулшгүй ажиллагааны хүрээнд албан өрөөнд нь хийсэн нэгжлэгээр 6-7 сая төгрөг 30 000 орчим ам доллар хурааж авч ял шийтгүүлсэн түүхтэй. Түүнийг зориуд урхинд оруулж, авлига авч байхад нь гардсан мэтээр ажиллагаа зохион байгуулсан гэж үзэх хүн ч цөөнгүй байдаг. Д.Тогтохсүрэнг дарга болгосон энэ томилгоо аз уу, эз үү гэдгийг одоо дүгнэхэд эртдэнэ.
Д.Тогтохсүрэн МАН-ын бүлгийн ахлагч байхдаа Өвөрхангай, Архангайнхныг төрийн албанд олноор томилуулж, шахаа хийснээрээ зартай нэгэн. Тендерүүдэд алсаас гар дүрсэн гэх хардлага ч ил явдаг. Одоо "Монголросцветмет" ТӨҮГ-т ажиллахдаа МАН-ын бүлгийн өмнөх дарга Д.Хаянхярваагийн авлигын хэргийн түүхийг давтах уу, үгүй юү гэдгийг харах үлдлээ. Д.Тогтохсүрэнг дарга болгосон энэ томилгоо аз уу, эз үү гэдгийг одоо дүгнэхэд эртдэнэ. Учир нь түүний зам мөр яг түүнийхтэй ижил байгаа юм. Гэхдээ МАН-ын бүлгийн экс дарга нар ял сонсдог жишиг бол тогточихсон...
