БНХАУ-ын Сычуань мужийн Гуанхан хотын Саншиндүйн дурсгалт газраас малтсан тансаг, чамин төрхтэй хүрэл хөшөө нь 3000 жилийн настай гэдгийг археологичид тогтоосон юм. Анх 1986 онд Саншиндүйд санамсаргүй байдлаар хачирхалтай төрхтэй хүрэл олдворуудаар дүүрэн хоёр нүх олдсон нь 20-р зууны Хятадын хамгийн том археологийн олдворуудын нэг болжээ. 2019 онд Саншиндүйд дахин зургаан нүх олдсон байна. 2020 онд эхэлсэн малтлагаар 13,000 гаруй дурсгал, түүний дотор бүрэн бүтэцтэй 3000 олдвор олджээ. Саншиндүйн эдгээр гайхамшигт олдворууд саяхан Бээжин хотноо дэлгэгджээ.
