Шашны зан үйлд хэрэглэдэг гэхээсээ илүү монгол хүний ахуй амьдралын хэрэглээнд хамгийн ойр байдаг эд зүйл бол бойпор. Сангийн бойпорыг орчин үеийн агуулгаар баяжуулан, монгол гэрийн хэлбэртэйгээр урладаг уран гартан залууг Гаөлтай гэдэг. Тэрбээр БНХАУ-ын Өвөрмонголын багшийн их сургуулийг төгсөөд төрсөн нутаг Шилийн гол аймгийн Хөвөөт шар хошуундаа аж төрж, шавар шаазан урлал хийж эхэлжээ. Түүний урладаг монгол гэр хэлбэртэй бойпор эрэлт ихтэй, захиалга тасардаггүй байна. Аргал, хомоол уугиулах зориулалттай энэ гэр хэлбэрт бойпорыг нутгаасаа хол амьдарч буй монголчууд их захиалдаг байна.
