“Шинэ Хархорум” хотын хөгжлийн ерөнхий төлөвлөгөөний үзэл баримтлал /концепц/-ыг боловсруулах олон улсын нээлттэй сонгон шалгаруулалтын бүртгэлийг 2024.03.18-04.15-ны өдрийн хооронд явуулж энэ хугацаанд 54 улсын нийт 428 багаас оролцох хүсэлт ирүүлсэн. Эдгээр оролцогчдын бүтээлийг 2024 оны 07 дугаар сарын 16-ны өдөр эцэслэн хүлээн авах бөгөөд ирүүлсэн бүтээлийг үнэлэх шүүгчдийг сонгон шалгаруулж байна. Нийт 6 гишүүнийг сонгон шалгаруулах бөгөөд дараах чиглэлийн хүмүүсээс тус тус нэгийг шалгаруулна /нас, хүйс, шашин шүтлэг харгалзахгүй/.
1. Хот төлөвлөгч;
2. Архитектор;
3. Байгаль орчны төлөвлөлтөөр дагнасан хот төлөвлөгч;
4. Эдийн засагч /Хот төлөвлөлт/;
5. Хот төлөвлөлтийн эрдэмтэн /Профессор /;
6. Дэд бүтцийн инженер /Дулааны инженер, цахилгааны инженер, ус хангамж, ариутгах татуургын инженер, мэдээлэл холбооны инженер/.
Сонгон шалгаруулалтын материалыг 2024.05.21-ний өдрийн 11:59 AM цаг хүртэл хүлээн авна.
Дэлгэрэнгүй мэдээллийг https://competition.kharkhorum.gov.mn/ цахим хуудаснаас авна уу.
