ЕБС-ийн амралт эхэлсэнтэй холбогдуулан Замын-Үүд боомтоор зорчих иргэдийн тоо нэмэгджээ.
Өчигдөр буюу 3-р сарын 30-ний өдөр Замын-Үүд боомтоор зорчих иргэдийн тоо нэмэгдэж гарах чиглэлд 5668, орох чиглэлд 2975 зорчигч нэвтэрлээ хэмээн албаныхан мэдээллээ.
Замын-Үүд боомтод ямар нэгэн сүлжээ тасрах болон техникийн саатал гараагүй, ажил хэвийн явагдсан хэмээн Замын Үүд дэх Хилийн боомтын ажилтнууд мэдээлж байна.
Зорчигчийн ачаалал нэмэгдсэнтэй холбогдуулан БНХАУ-ын Хилийн байгууллагын зүгээс анх удаа зорчиж буй Монгол иргэдийн хурууны хээг уншуулах үйлдлүүд дээр удааширч, Эрээн хотын боомт 18 цаг 30 минут хүртэл зорчигчдыг оруулсан байна.
Дашрамд дурдахад, Замын-Үүд-Эрээний авто замын боомтын АЧАА ТЭЭВРИЙН ХЭСГИЙГ 4 дүгээр сарын 1-нээс есдүгээр сарын 30-ны өдрийг хүртэлх хугацаанд 24 цагийн горимоор ажиллуулах юм. Зарим иргэдийн зүгээс үүнийг зорчигч тээврийн хэсэгтэй андууран ойлгож байгааг албаныхан хэллээ.
