Монгол Улсын Ерөнхий сайд асан улстөрч “бохир” мөнгөөр Нью-Йорк хотын Манхэттэн дүүрэгт тансаг ангиллын хоёр орон сууц худалдаж авсныг тогтоосныг дэлхийн хэвлэлийн том агентлагууд мэдээлсэн. Малайзад болж буй шүүх хурлын үеэр тус улсын Ерөнхий сайдаар ажиллаж байсан хүн Сү.Батболд болон түүний хүү Б.Баттүшиг нар руу их хэмжээний мөнгө шилжүүлсэн баримт дэлгэгдсэн. АНУ-д байх тансаг зэрэглэлийн хоёр орон сууц нь Манхэттэн дүүргийн А бүсэд хоорондоо 1.8 км зайд оршдог юм байна. Тодруулбал нийт дүн нь 14 сая ам.доллароор худалдаж авсан "The Carlton House" болон "Park Imperial" юм.
"The Carlton House" бол 1989 оноос хойш Нью-Йоркт үйл ажиллагаагаа явуулж буй "Extell Development" компанийн барилга юм. Тус компанийн хамгийн алдартай бүтээл нь 2020 онд баригдсан "Central Park Tower" ажээ. Харин "Park Imperial" хэмээх 70 давхар шилэн барилга нь 2002 онд баригдсан бөгөөд тухайн жилийнхээ Нью-Йоркийн шилдэг уран барилгаар тодорч байжээ.
The Carlton House
Нийт давхар: 18
Зах зээлийн ханш: $8,250,000
Өрөө: Нийт зургаан өрөөтэй. Дөрвөн ариун цэврийн өрөөтэй.
Баригдсан он: 2015
Park Imperial
Нийт давхар: 70
Зах зээлийн ханш: Тодорхойгүй
Өрөө: Нийт дөрвөн өрөөтэй.
Баригдсан он: 2002
Эх сурвалж: United States Attorney's Office, StreetEasy.com
