Зуу гаруй хүний амь аварсан 15 настай хүүгийн талаар Орос орон даяар ярьж байна. Крокус концертын танхимын өлгүүрийн ажилтан, Киргиз гаралтай Ислам Халилов хүү тухайн өдөр халдалаг гарч хүмүүс үймж эхлэх үед олон хүнийг зөв чиглүүлж аваарын гарцаар дагуулан гарсан байна. Тэрээр энэ тухайгаа, "Би баатар биш ээ. Зүгээр ажлаа л хийсэн. Хүмүүс гал нээж эхлэхэд эсрэг тийшээ нь гүйж байсан, араас нь хөөж буудах юмуу гранат шидвэл сүйдэх байх гэж бодоод өөрөө газарчлаад ослын хаалгаар гаргасан. Би ажлын дүрмийн дагуу бүгдийг хийхийг хичээсэн " гэж ярьсан байна.
Хүүд ОХУ-ын реппер Моргенштерн хувиасаа сая рубль бэлэглэсэн бол Оросын ЗГ, Москва дахь Ислам шашны толгойлогч нар шагнал амлаад байгаа юм. Мөн хүүгийн шүтдэг Спартак багийнхан хүүг хүлээн авч өмсгөл бэлэглэн тоглолтын тасалбараа өгчээ.
Халдлага болсны маргааш хүүг даган ослын гарцаар гарсан хүмүүс ирж хүүд талархалаа илэрхийсэн байна.
