Хэд хэдэн боомтоор хувийн автомашинаараа хил нэвтрэх боломжтой болсон талаар та дуулсан уу?
Тэгвэл Замын-Үүд, Хавирга, Бичигт, Шивээхүрэн хилийн боомтоор 8-аас доош суудалтай хувийн автомашинаараа хил нэвтрэх боломжтой болжээ.
Монгол-Хятадын хилийн Хавирга-Ар хашаат боомтоор 8-аас доош хүний суудалтай автомашиныг энэ сарын 14-нөөс, Мөн Бичигт-Зүүнхатавч боомтоор энэ сарын 21-нээс нэвтрүүлж эхэлсэн байна.
Эхний ээлжид тухайн хил орчим амьдардаг иргэд өөрсдийн, хувийн тээврийн хэрэгслээрээ нэвтрэх боломжтой. Цаашид БНХАУ-ын Шиньжан-Уйгарын өөртөө засах орны Өрөмчтэй хиллэдэг боомтуудаар 8-аас доош хүний суудалтай автомашиныг нэвтрүүлэхээр хэлэлцэж байна.
Түүнээс гадна Замын-Үүд хилийн боомтоор хоёр талын холбогдох байгууллагууд мэдээлэл солилцож, 1100 орчим тээврийн хэрэгслээр иргэд хил хооронд зорчиж байна.
