УИХ дахь Ардчилсан намын бүлгийн гишүүд өнөөдөр өвөлижлт, цас зудын асуудлаар мэдээлэл хийлээ. Энэ үеэр УИХ-ын гишүүн Ж.Батсуурь нэлээн бухимдангуй байв. Тэрбээр Хөдөөд цагаан сар болоогүй. Нөхцөл байдал маш хүнд байна. Түүхэнд байгаагүй зуд нүүрлэсэн. Улсын хэмжээнд 670 мянга гаруй толгой мал хорогдлоо гэж ичихгүй худлаа ярьж байна. Зөвхөн Сүхбаатар аймагт гэхэд 1,2 сая толгой мал хорогдоод байна.
Халуун намраар нисдэг тэрэг хөлөглөөд байсан Шадар сайд С.Амарсайхан хаана явна. Нисдэг тэргээр эмч нар очиж яагаад малчдын даралтыг үзэж өгөхгүй байгаа юм. Бид малчдаа өр зээлээс гаргах, зээлийг нь тэглэх зэрэг хуулийн төсөл санаачлан УИХ-ын даргад өргөн мэдүүлнэ хэмээн ярилаа.
