Азийн дива хэмээн алдаршсан дуучин Цахар тугч Урнааг монголчууд сайн таних болжээ. Тал нутгийн уянгат дуугаараа Ази, Европыг байлдан дагуулж, этно урлагийн сод төлөөлөгчөөр нэрлэгдсэн Цахар тугч Урнаа БНХАУ-ын ӨМӨЗО-ы Ордос хошуунд төрж өсчээ. Шанхайн хөгжмийн дээд сургуулиас уран бүтээлийн гараагаа эхэлж, алдар хүндийн тавцанд хөл тавьсан энэ дуучин Монгол Улсад ирж, монгол үзэгчдэд дуу хуурынхаа дээжийг толилуулж байсан юм. Мөн кино найруулагч Д.Бямбасүрэнгийн “Чингисийн хоёр загал” киноны гол дүрд тоглосон билээ.
Зохиогчийн эрхээр хамгаалагдсан © 2021 www.elive.mn