Боловсрол, шинжлэх ухааны яамны харьяа “Инженер, технологийн дээд боловсрол” төслийн хүрээнд япон улсад суралцах 12 оюутан батламжаа гардан авлаа. Япон улсад суралцах батламжаа гардан авч буй Бакалаврын хамтарсан хөтөлбөр 3, магистрын хөтөлбөр 1, докторын хөтөлбөр 6, судлаач оюутан 2 тус тус суралцах юм байна.
Төслийн үндсэн гурван хөтөлбөрийн хүрээнд 2023 оны байдлаар нийт 888 оюутан, судлаач, багш нар хамрагдсан нь суралцуулах зорилгот 1000 инженерийн 88.8 хувийг сургажээ.
Япон улсад суралцах оюутнуудад батламж гардуулах ёслолд Боловсрол, шинжлэх ухааны сайд Л.Энх-Амгалан, Япон улсаас Монгол улсад суугаа Онц бөгөөд Бүрэн Эрхт элчин сайд Кобаяши Хироюки, Жайка-ын Монгол дахь төлөөлөгчийн газрын дарга Танака Шиничи, Шинжлэх ухаан, технологийн их сургуулийн багш оюутнууд оролцлоо.
Бакалаврын хамтарсан хөтөлбөрийн хүрээнд 48 оюутан суралцаж нийт 240 оюутан сургуулиа амжилттай төгсөж эх орондоо ирж мэргэжлийнхээ дагуу ажиллаж байна.
Г.Тунгалаг
