Монгол улсын хэмжээнд 2019 оны байдлаар умайн хүзүүний хорт хавдрын эрт илрүүлэг үзлэгт зорилтот насны нийт 88493 эмэгтэй хамрагджээ. Энэ нь хамрагдвал зохих эмэгтэйчүүдийн 38.6 хувийг эзэлж байгаа нь хангалтгүй үзүүлэлт юм. Эмэгтэйчүүд харьяа, өрх, сумын эрүүл мэндийн төвд хандаж, хүний папилома вирус илрүүлэх эсийн шинжилгээнд 30-аас 60 насандаа 3 жил тутам тогтмол хамрагдаарай. Умайн хүзүүний хорт хавдраас сэргийлцгээе. Умайн хүзүүний хорт хавдар нь эмэгтэйчүүдэд хамгийн түгээмэл тохиолддог хорт хавдрын 4-рт ордог. Дэлхийд жил бүр 300,000 гаруй эмэгтэйчүүд умайн хүзүүний хорт хавдрын улмаас нас бардаг. Умайн хүзүүний хорт хавдраас урьдчилан сэргийлэх бүрэн боломжтой. Эрт үе шатандаа төгс эмчлэгддэг юм байна.
