Эрдэмтэд хамгийн эртний буюу хоёр сая жилийн өмнөх ДНК-г олж, генетикийн судалгаанд томоохон нээлт хийжээ. Одоо бол туйлын цөл байгаа Хойд туйлаас ердөө 500 милийн зайд орших дэлхийн хамгийн хойд хэсэг Хойд Гренланд нь хоёр сая жилийн өмнө өтгөн ой модтой, үр өгөөжтэй, цаа буга, мэрэгч амьтад, мастодонууд амьдардаг байсныг хөрснөөс гаргаж авсан генетикийн материалаас олж нээжээ.
Эрдэмтэд ДНХ материалуудыг ашиглан дэлхийн дээвэр дээрх хоёр сая жилийн өмнөх эртний экосистемийн дүр төрхийг сэргээж чадсан гэж Копенгагены их сургуулийн газарзүйч Миккел Педерсен хэлэв. Энэ судалгаа бараг 20 жил үргэлжилсэн бөгөөд анх 2006 онд багийн зарим гишүүн Гренландын хойд хэсэгт орших Кап Кобенхавны талбайд очиж, эртний ДНХ агуулсан хөлдсөн шороог хайж, дээж цуглуулж эхэлсэн байна.
