Индонезийн Ява арал дахь далайн түвшнээс дээш 3600 метрийн өндөрт оршдог Семеру галт уул дэлбэрчээ. Галт уулын үнс 1,5 км өндөрт цацагдаж, халуун лав нь уулын энгэрээр урсаж, голын устай нийлсэн байна. Иймээс ойролцоох суурингийн 2000 оршин суугчдыг нүүлгэн шилжүүлж, иргэдийг галт уулын тогооноос 13 км-ийн зайд орших Бесук Кобокан голын дагуух зүүн өмнөд хэсгийн бүсэд ойртохгүй байхыг зөвлөжээ. Ойролцоох суурин үнсэнд хучигдсан бөгөөд галт уулын дэлбэрэлтээс болж цунамигийн аюул нүүрлэж болзошгүй гэж албаныхан сэрэмжилж байна. Галт уулын ойролцоох газраас утсаар Ройтерс агентлагт өгсөн мэдээллээр ихэнх замууд хаагдаж, галт уулын үнс бүхий бороо оржээ.
Индонезийн Галт уул судлал, геологийн аюулыг бууруулах төвийн мэмдээлснээр халуун үнсэн үүл дэлбэрэлтийн төвөөс бараг 19 км зайд урссан байна.
Семеру галт уулын дэлбэрэлтийн улмаас хүний амь нас эрсэдсэн талаар одоогоор мэдээлээгүй бөгөөд Индонезийн тээврийн яам агаарын тээвэрт нөлөөлөөгүй гэж мэдэгдсэн ч бүс нутгийн хоёр нисэх онгоцны буудалд сонор сэрэмжтэй байхыг анхааруулсан байна.
Уг галт уул өнгөрсөн оны 12-р сард дэлбэрсэн ба тухайн үед 51 хүн амиа алдаж, олон мянган хүнийг нүүлгэн шилжүүлсэн билээ.
