ОХУ-ын өмнөд хэсэгт орших Каспийн тэнгисийн эргээс 2500 орчим үхсэн далайн хав олджээ. Анх 700 орчим далайн хав үхсэн гэж мэдээлсэн ч судлах явцад үүнээс хавьгүй их тоо гарсан бөгөөд тооллого үргэлжилж байна.
Каспийн далайн хавыг 2008 оноос хойш Олон улсын байгаль хамгаалах нийгэмлэгийн (IUCN) улаан жагсаалтад ховордсон амьтны ангилалд оруулсан.
Амьтдыг устгасан эсвэл загас агнуурын тороор барьсан гэх баримт байхгүй байгааа бөгөөд мэргэжилтнүүд лабораторийн шинжилгээгээр нас барсан шалтгааныг тогтоох юм байна.
Каспийн тэнгисийн далайн хавын тоо толгой хэт их агнуур, үйлдвэрлэлийн бохирдлоос болж сүүлийн жилүүдэд эрс цөөрчээ.
