50 гаруй жилийн өмнө Техас мужид хулгайлагдсан Мелисса Хайсмит гэр бүлийнхэнтэйгээ уулзаж чаджээ. Мелисса Хайсмитийг 1971 оны 8-р сарын 23-нд хүүхэд асрагч нь хулгайлсан бөгөөд тухайн үед хүүхэд нэг ой 9 сартай байжээ.
Хайсмитын гэр бүл хүүхдээ алдсанаас хойш дахин дөрвөн хүүхэдтэй болжээ. Харин Мэлисса гурван хүүхэд төрүүлсэн байна. Сураггүй алга болсон болон мөлжлөгт өртсөн хүүхдийн үндэсний төвийн мэдээлснээр генетикийн шинжилгээ хийдэг "23andMe" компанид ирүүлсэн дээжнээс Мелиссагийн аавын ДНХ , Мэлиссагийн хүүхдүүдийн нэгний ДНХ-тай таарснаар түүнийг олох сэжим болжээ. Лабораторийнхан бүртгэлийг сайтар нягталж үзээд Ancestry.com сайтаар одоогийн нэрээр хатагтай Уолден буюу Мэлиссагийн генетикийн хамаатантай холбогдож, хоёр цагийн дотор түүнтэй холбоотой хангалттай мэдээлэл олсон байна.
Уолден нэрээр өссөн Мелани амьдралынхаа ихэнх хугацаанд Форт Уортод амьдарсан бөгөөд сураггүй алга болсон гэдгээ хэзээ ч мэдээгүй гэж CNN-д өгсөн ярицлагадаа хэлжээ. Гэр бүлийнхэн нь түүнтэй фэйсбүүкээр холбогдох хүртэл түүнийг хайж байгааг мэдээгүй, аав маань над руу фэйсбүүкээр холбогдож, 51 жилийн өмнө алдсан хүүхдээ гэж бодож байгааг хэлэхэд би ямар нэгэн луйвар байх гэж бодсон. Өсгөсөн хүнээсээ надад хэлэх ямар нэгэн зүйл танд байхгүй юу гэхэд үнэнээ хэлсэн гэж тэрээр ярив. Хатагтай Уолден буюу багын нэрээр Мэлисса өнгөрсөн бямба гаригт Форт Ворт дахь сүмд аав Хайсмит болон түүний ээж 73 настай Алта Апантенко нартай уулзаж албан ёсоор ДНХ шинжилгээ өгч баталгаажуулжээ. Хатагтай Уолден нэрээ дахин албан ёсоор Мелисса Хайсмит болгон өөрчилнө гэж мэдэгдсэн бөгөөд эхний ээлжинд фэйсбүүк нэрээ өөрчилжээ.
Хамгийн харамсалтай нь Мэлисса бага насаа хүчирхийлэлд өнгөрөөсөн, гэрээсээ зугатаж байсан, боловсрол эзэмшээгүйгээс биеэ үнэлэх зэрэг ажил хийж байжээ. Гурван хүүхэд төрүүлсний дараа хожим тэрээр энэ ажла орхиж сүмийн хоол хийдэг болсон байна.
Хайсмитийн гэр бүлийнхэн цагдаад мөрдөн байцаалт явуулахыг шаардаж байгаа ч эрүүгийн хэргийн хөөн хэлэлцэх хугацаа 2007 онд дууссан гэжээ.
