Хятадад төрсөн Канадын поп од Крис Вуг хүчингийн зэрэг гэмт хэрэгт буруутай гэж үзэн Бээжингийн шүүх 13 жилийн хорих ял оноолоо .
Чаоян дүүргийн шүүхээс түүнийг гурван эмэгтэйг хүчиндсэн болохыг тогтоосон бөгөөд шүүхээс албан ёсны WeChat хаягтаа “Ву Ифан гэртээ гурван согтуу эмэгтэйг далимдуулан ашигласан” гэж мэдэгджээ.
Түүнчлэн шүүх Крис Вуг 2018 оны долдугаар сард садар самуун зүйл хийх зорилгоор зохион байгуулалттайгаар олон хүн цуглуулсан хэрэгт гэм буруутай гэж үзжээ. Түүнийг ялаа эдэлж дууссаны дараа Хятадаас албадан гаргахаар болсон байна.
К-поп хамтлагийн Эксогийн гишүүн асан супер од 2014 онд Хятадад буцаж ирээд соло уран бүтээлээ туурвисан юм. Хятадад ирснээс хойш түүний карьер тасралтгүй өсөж, Хятадын “Sina Weibo” платформд 50 сая гаруй дагагчтай болж, 2020 онд “Forbes”-с гаргадаг Хятадын алдартнуудын жагсаалтын найм дугаарт бичигдэж байв.
