Дэлхийн томоохон брэндийн нэг "Balenciaga" 2023 оны хаврын цуглуулгын сурталчилгаагаа хийхдээ хүүхэд оролцуулсан зүй бус зураг авалт хийсэн гэж олон нийтээс шүүмжлэл, дургүйцэл хүртээд байсан. Хүч хэрэглэсэн сэксийн үед ашигладаг хэрэгсэл өмсүүлсэн бамбаруушийг хүүхдэд тэврүүлж зогсоож зураг авалт хийсэн нь далд агуулгатай, бохир зураг байсан гэж олонхи хүмүүс жигшин хүлээн авсан.
Тэгвэл тус брэндийн зүгээс олон нийтийн сүлжээгээр дамжуулан энэхүү сурталчилгаандаа уучлал гуйжээ.
"Бид тохиромжгүй, зүй бус зураг авалтыг олон нийтэд түгээсэндээ уучлал хүсч байна. Хүүхдийн хүчирхийллийн эсрэг ямарч зүйлийн эсрэг бид хатуу зогсох болно. Хүүхэд хамгаалал болон хүүхдийн сайн сайхны төлөө ямагт зогсох болно " хэмээн уучлал гуйсан мэдэгдэлдээ дурдсан байв.
