Уильям Шекспирийн амьд ахуйд нь бүтээсэн цорын ганц, гарын үсэгтэй, огноотой зураг гэгддэг хөргийг эзэмшигч нь 10 сая фунт стерлингээр худалдаалахаар төлөвлөжээ.
Нэрээ нууцлахыг хүссэн эзэмшигч нь дуудлага худалдаагүйгээр хувийн гэрээгээр уг эд зүйлийг худалдах санал гаргасан байна.
Уг хөргийг Жеймс хааны ордны зураач Роберт Пик 1608 онд бүтээжээ. Уг бүтээл лхагва гарагт Лондонгийн баруун хэсэгт байрлах Grosvenor House зочид буудалд шинэ эзнээ хүлээн тавигдсан байна.
Энэ зураг 1975 оноос өмнө Английн хойд хэсэгт орших нэгэн гэр бүлийн тансаг харшийн номын санд өлгөөтэй байснаас хойш сураг тасарч, нэрээ нууцлахыг хүссэн эзнийхээ хувийн өмчид байсан юм.
Сүүлийн 400 жилийн турш энэ зургийг Шекспир сонирхогчид өөрсдийн номын сандаа өлгөж хайрлаж хамгаалсны ачаар бага зэрэг элэгдэж, урагдсан ч бараг хөндөгдөөгүй хэвээр үлдэж чаджээ.
