МАН-ын Удирдах зөвлөлийн өнөөдрийн хуралдаанаар гурван асуудал хэлэлцсэн байна. Намын II Бага хурлыг 2022 оны арванхоёрдугаар сарын 6-ны өдөр хуралдуулахаар тогтжээ. Ингэснээр Засгийн газарт сайд болоод явсан Д.Амарбаясгалан ирэх сарын 6 хүртэл МАН-ын генсекийн албан үүргээ сайдын албатай давхар хашихаар болж байна. Эрх баригч намын Бага хурлаар дараагийн генсекийг сонгоно. Удирдах зөвлөлийн хуралдаанаар олон улсын хуралдаанд оролцох намын төлөөллийг сонгох зэрэг асуудлыг хэлэлцсэн талаар эх сурвалж хэллээ. Үүн дээр нэмээд Т.Аюурсайханы оронд УИХ-н дэд даргаар хэнийг сонгох талаар хэлэлцжээ. Энэ суудал дээр 4-5 хүний нэр яриглсан боловч эцсийн байдлаар шийдэж чадаагүй байна.
