Гаагийн музей дэх дэлхийд алдартай "Сувдан ээмэгтэй охин" зургийг гэмтээх гэж оролдсон хэрэг пүрэв гарагт болжээ. "Just Stop Oil" гэсэн бичигтэй цамцтай хоёр эрэгэй зургийн хажууд зогсч үл мэдэгдэх шингэн зүйл зураг руу цацсан байна. Уг хэрэгтэй холбогдуулан цагдаагийн байгууллага гурван хүнийг баривчилжээ. Уран зургийн нөхцөл байдлыг манай сэргээн засварлагч шалгасан. Азаар шилэн хамгаалалттай бүтээл гэмтээгүй" гэж музейгээс мэдээлэв.
Энэ сарын эхээр мөн л "Just Stop Oil"-ын идэвхтнүүд Лондоны Үндэсний галерейд Винсент ван Гогийн "Наранцэцэг" зураг руу шөл цацаж цагдаагийн байгууллагад шалгагдсан юм.
"Just Stop Oil" хөдөлгөөнийхөн хүн төрөлхтөн чулуужсан түлш хэрэглэхээ нэн даруй зогсоохгүй бол дэлхий устаж үгүй болно" гэсэн мессежийг өгөхийн тулд ийм үйлдлүүд гаргасан гэж цагдаад тайлбарласан байна.
Таны нүдэн дээр үзэсгэлэнтэй, үнэлж баршгүй зүйлийг устгаж байгааг хараад танд ямар санагддаг вэ?" Энэ дэлхий сүйрч байгааг харахад яг ийм мэдрэмж төрдөг" гэж нэгэн залуу нь хуулийнханд хэлжээ. Мөн тус хөдөлгөөнөөс манай залуус хамгаалалтын шилээр хучаагүй урлагийн бүтээлийг хэзээ ч бузарлахгүй, хамгаалалтын шилтэй учир л олны анхаарлыг өөрсдийнхөө хэлэх гэсэн санаа руу хандуулахын тулд ийм зүйл хийж байгаа гэсэн байна.
