Өчигдөр эмэгтэй 50, 53, 65, 76 кг-ын жингийн барилдаанууд болж, 50 кг-д манай Д.Отгонжаргал финалд шалгарсан.
Ослогийн ДАШТ-ий хүрэл медальт ОУХМ Д.Отгонжаргал 1/8 шигшээд Азийн АШТ-ий хоёр медальтай Узбекистаны Жасмина Иммаеваг цэвэр, ¼ шигшээд ДАШТ-ий хос мөнгөн медальт Румыний Алина Вукийг цэвэр, хагас шигшээд АНУ-ын бөх, Панамерикийн 6 удаагийн аварга, дэлхийн хос мөнгөн медальт, Сара Хильдебрандыг ялсан.
Ингэснээр манай Д.Отгонжаргал дэлхийгээс хоёр жил дараалан медаль хүртэж Ослогийн хүрлээ мөнгө болгож өөрчиллөө.
