Шударга өрсөлдөөн, хэрэглэгчийн төлөө газар нь хуулиар олгогдсон чиг үүрэг болон хэрэглэгч, аж ахуй эрхлэгчийн зүгээс гаргасан санал хүсэлт, гомдлыг хуулийн хүрээнд түргэн шуурхай шийдвэрлэн ажиллаж байна. Иргэдээс тус газарт хандаж ирүүлсэн “Мал эмнэлгийн ариутгал урьдчилан сэргийлэх халдваргүйтгэлд машин бүрийг хамруулж үндэслэлгүй төлбөр авч байна” гэх гомдол, мэдээллийн дагуу хяналт шалгалт хийж, тээврийн хэрэгсэл бүрийг ариутгалд хамруулж, 1000 төгрөгийн төлбөр авч байгаа нь хууль зүйн үндэслэлгүй байгаад арга хэмжээ ажиллах талаар агентлагийн дарга бөгөөд Улсын байцаагчийн шаардлагыг Мал эмнэлгийн Ерөнхий газрын даргад хүргүүллээ.
Үүний дагуу нийслэлийн Сонгинохайрхан дүүрэгт байрлах 22 товчоо, Баянзүрхийн товчоод дээрх ариутгалын цэгүүд төлбөр, хураамж авахаа зогсоолоо. Сангийн сайд болон Хүнс, хөдөө аж ахуй, хөнгөн үйлдвэрийн сайдын хамтарсан 2021 оны 118, А-201 дугаартай “Мал эмнэлгийн үйлчилгээний зардлын норматив батлах тухай” тушаал, мөн Мал эмнэлгийн ерөнхий газрын даргын 2022 оны А/113 дугаартай тушаалд “Урьдчилан сэргийлэх халдваргүйтгэлд зөвхөн мал, амьтан, тэдгээрийн гаралтай түүхий эд, бүтээгдэхүүн тээвэрлэсэн тээврийн хэрэгслийг ... хамруулна.” гэж заасан байдаг.
Хэрэглэгч та бүхэн гомдол саналаа
• Хэрэглэгчийн мэдээллийн төвийн утас: 115
• ЗГ-ын Иргэд олон нийттэй харилцах төвийн утас: 11-11
• Цахим хаяг: afccp.gov.mn
• Цахим шуудан: [email protected]
• “e-barimt.mn” хавсралт болон цахим хаягаар
• https://www.facebook.com/groups/391583442769715/ бүлгэм гэсэн сувгаар ирүүлж, бидэнтэй хамтран ажиллана уу.
