2022-2023 оны дулааны гэрээг иргэн болон хуулийн этгээдүүдтэй байгуулахад цахимаар үзүүлж байгаа үйлчилгээнүүдийг төрийн мэдээллийн нэгдсэн системд холбох гэж байгаа аж.
Иймд шаардлагатай материалуудыг https://my.dulaan.mn сайтаар хүлээн авч эхэлжээ.
Нэг. Хуучин хэрэглэгчид доорх материалуудын бүрдлийг шалгаж дутуу эсвэл мэдээлэлд өөрчлөлт орсон материалуудыг илгээнэ.
- Иргэн (өмчлөгч, эзэмшигч, захирал)-ий иргэний үнэмлэхний хуулбар. (өмчлөгчийн итгэмжлэл)
- Газрын гэрчилгээний хуулбар. (кадастрын зураг)
- Байгууллага /компани/-ын гэрчилгээний хуулбар
- ХАДЭХ-ний төлбөрийг бүрэн төлсөн байх
Хоёр. Хуучин хэрэглэгчид заавал илгээх материалууд:
- Халаалт, хэрэгцээний халуун ус, салхивчийн дулааны хэрэглээг нээх, хаах хугацааг тодорхой заасан албан бичиг.
- Үл хөдлөх хөрөнгийн лавлагаа.
Гурав. Шинэ хэрэглэгчдээс бүрдүүлэх материалууд:
- Холболтын зөвшөөрөл. (холбогдох материалууд хавсаргах)
- Дулааны шугам хоолойн эзэмшлийн заагийн зураг
- Халаалт, хэрэгцээний халуун ус, салхивчийн дулааны хэрэглээг нээх, хаах хугацааг тодорхой заасан албан бичиг.
- Иргэн (өмчлөгч, эзэмшигч, захирал)-ий иргэний үнэмлэхний хуулбар. (бага, хороо, засаг даргын тодорхойлолт, өмчлөгчийн итгэмжлэл)
- Газрын гэрчилгээний хуулбар. (кадастрын зураг)
- Үл хөдлөх хөрөнгийн гэрчилгээний хуулбар,түүний лавлагаа.
- Байгууллага /компани/-ын гэрчилгээний хуулбар
- Дулааны зангилаа, гадна шугам, дотор системийн угсарсан акт
- барилгын фото зураг
- Дүүргэлт, залгалтын үеийн эргэлтийн горим тогтооход зарцуулсан дулааны энергийн төлбөр төлсөн байх.
Хүсэлт илгээх зааврыг хүргэж байна.
Эх сурвалж: Улаанбаатар дулааны сүлжээ ТӨХК
