Хөвсгөл нуурт живсэн машин, техникийг татан гаргах ажлыг эрчимжүүлэх хүрээнд байршил тогтоох судалгааны ажлыг Онцгой байдлын ерөнхий газраас эхлүүлжээ. Одоогийн байгаа мэдээллээр 100.000 га орчим талбайд байршил тогтоох судалгааг хийх шаардлагатай байгаа бөгөөд 26-28 орчим машин, түүн дотор шатахуунтай таван машин нуурын гүнд байх магадлалтай.
Ирэх долоо хоногт Хөвсгөл аймагт байршил тогтоох усны дроныг ажиллуулахаар турших бөгөөд гадаад мэргэжилтэн ирж уг төхөөрөмжийг ажиллуулна. Япон Улсын Байгаль орчны яам болон Жайка байгууллагатай Байгаль орчин, аялал жуулчлалын яам хамтран ажиллаж байгаа бөгөөд судалгаа шинжилгээ, татан гаргах ажиллагаатай холбоотой бэлтгэлүүдийг хийж эхэлжээ. .
