АТГ-аас Дарханы замын тендертэй холбоотойгоор Зам тээврийн хөгжлийн яамны эрх бүхий албан тушаалтнуудын албан өрөөнд яг одоо нэгжлэг хийж эхэлжээ. Ерөнхий сайдын үүрэг болгосны дагуу АТГ-аас Дарханы замын тендер сонгон шалгаруулахад оролцсон, сонгосон эрх бүхий албан тушаалтнуудыг шалгаж байгаа юм байна. Дархан-Улаанбаатар чиглэлийн замыг таван хэсэгт хувааж тендер сонгон шалгаруулсан бөгөөд 2 болон 4-р хэсгийг цаасан дээрх компани сонгон шалгаруулсан байж болзошгүй байгаа юм.
Замын ажлыг анх 2019 онд эхлүүлж, хэд хэдэн сайдын нүүр үзэж байгаа ч өнөөдрийг хүртэл ашиглалтад ороогүй. Монгол Улсын Ерөнхий сайд Л.Оюун-Эрдэнэ өнгөрсөн зургаадугаар сард Дархан-Улаанбаатар чиглэлийн автозамын ажилтай газар дээр нь очиж танилцсан. Энэ үеэр тендер шалгаруулалтад оролцсон албан тушаалтнуудыг шалгах, хариуцлага тооцно гэдгээ хэлсэн. Тухайн үед сайдаар ажиллаж байсан, одоо УИХ-ын гишүүнээс сонгогдсон Б.Энх-Амгаланг энэ хэрэгт холбогдуулан шалгана гэсэн мэдээлэл ч байна.
