Дэлхий нийтийг хамарсан "Ковид-19" цар тахлын тархалт буурахгүй, өдөр бүр цаг бусаар эрдэнэт хүний амь нас эндсээр байна. Сүүлийн 24 цагийн хугацаанд Монгол Улсын хэмжээнд 450 хүнээс халдвар илэрчээ. Ангилан авч үзвэл Улаанбаатар хотын хэмжээнд 366 тохиолдол шинээр, орон нутагт 84 тохиолдол бүртгэгджээ. Мөн халдварын улмаас найман хүн нас барж, нийт нас баралтын тоо 1744 болсон байна.
Улсын хэмжээнд хэвтэн эмчлүүлж буй хүмүүсийн биеийн байдлыг авч үзвэл хөнгөн 5521, хүндэвтэр 5487, хүнд 1460, нэн хүнд 273 иргэн байгаа юм байна.
Өнөөдрийн байдлаар өрх, гэрийн хяналтанд 34015 хүн эмчлүүлж байгаа гэнэ. Хэвтэн эмчлүүлэгсдийн 599 нь жирэмсэн, 2682 хүүхэд бөгөөд нийт 12741 иргэн байна.
