УСУГ-ын шугамын ашиглалт, засварын албаны төслийн инженер Б.Одбаяраас шугам доторлогооны ажлыг эхлүүлж байгаатай холбогдуулан зарим зүйлийг тодрууллаа.
-Цэвэр усны шугам хоолойг газар ухалгүй доторлох төслийн ажлыг эхлүүлсэн байна. Энэ төслийг хэрэгжүүлээд хэр удаж байна вэ?
-Манай байгууллага нь Улаанбаатар хотын цэвэр усны шугам хоолойг шуудуу ухалгүйгээр шинэчлэх технологийг нэвтрүүлэх төслийг 2018 оноос эхлэн 5 дахь жилдээ амжилттай хэрэгжүүлэн ажиллаж байна. Энэхүү шугам хоолойг шуудуу ухалгүйгээр доторлож шинэчлэх дэвшилтэт технологийг дэлхийн өндөр хөгжилтэй орнууд шугам хоолойн засвар үйлчигээнд өргөнөөр ашиглдаг тэргүүлэх зэргийн технологи юм аа. Бид өмнөх 4 жилийн хугацаанд Ф150-аас 400 мм хүртлэх диаметртэй 11.8 км шугам хоолойг доторлож ашиглалтын хугцааг уртасгасан. Энэ оны ажил 04 дүгээр сарын 01 – ний өдрөөс эхлүүлэн явж байгаа бөгөөд одоогийн байдлаар Ф300 мм – н диаметрэй 330 метр шугам хоолойг доторлоод байна.
-Шуудуу ухалгүйгээр шугам хоолойг доторлож шинэчлэх тенологи нь ямар давуу талуудтай вэ?
-Олон давуу тал бий. Нэгдүгээрт насжилт өндөртэй шугам хоолойг доторлосноор ашиглалтын хугцааг уртасгана. Хоёрдугаарт хотын төвд байрлалтай шугам хоолойг доторлох нь газар ухаж шинэчлэх зардалаас бага тусна. Гуравдугаарт шугам доторлогооны ажлын явцад бусад инженерийн байгууламжийн шугам сүлжээнд эвдрэл гэмтэл болон саад учруулахгүй. Дөрөвдүгээрт цаг хугацаа хэмнэнэ гэх мэт давуу талуудтай.
-Энэ жилийн 330 метр доторлогооны ажлыг хэдий хугацаанд хийж гүйцэтгэсэн бэ?
- Цэвэр усны шугамыг чөлөөлж доторлохын тулд тус шугамаас холболттой хэрэглэгчдийг тасралтгүй цэвэр усаар хангах үүднээс ил шугам буюу түр шугам татаж түүнээсээ хэрэглэгчдийг усаар хангах гэх мэт бэлтгэл ажилд багагүй хугацааг зарцуулдаг. Бид сая зүүн дөрвөн замаас сансарын түннэл өгсөх авто зам доор байрлалтай цэвэр усны төвийн Ф300мм диаметртэй 330 метр шугамыг ажлын 7 хонгийн хугацаанд доторлосон.
