Жавхлант шарга МСУХ-аас жил бүр зохион байгуулдаг аймгийн аварга хүлэг шалгаруулах Жавхлант шарга хурдан морины уралдаан ирэх сарын 6, 7-ны өдрүүдэд Баруун-Урт суманд болно. Уралдааны нийт шагналын сан 200 сая төгрөг бөгөөд түрүү морийг авто машинаар байлах аж. Гэхдээ энэ нь цэвэр цусны монгол адуунд хамааралтай.
Уралдаанд их нас, соёолон, хязаалан, шүдлэн, даага, сонгомол дээд, дунд, бага гэсэн найман насны морь уралдана. Ингэхдээ адууны сэрвээний өндөр болон үүлдэрлэг байдлаар ялган зохион байгуулна гэв.
Уралдах морьдын бүртгэлийг 4 дүгээр сарын 1-20-ны хооронд хийх бөгөөд уяачид өөрийн харьяа сумынхаа уяачдын холбоонд бүртгүүлэх бол бусад газрын уяачид Жавхант шарга МСУХ-ны албан ёсны фэйсбүүк хуудсаар бүртгүүлнэ. Бүртгэлийн хураамжийн тухайд монгол адуу 50 мянга, сонгомол насных 150 мянган төгрөг юм байна.
